"Баргузин ФМ"
"Русское радио"
 
 
 


Новое

17 сентября 2019, 16:13

фото: пресс-служба правительства РБ

Новости на двух языках: В Бурятии будут производить технический кислород

Буряад Уласта техническэ кислород гаргаха

Сентябриин 17-до Буряад Уласай Засагай газарай ба «Байкалпромгаз» ООО-гой хоорондо промышленно паркын газар дэбисхэртэ техническэ газуудые гаргаха тухай хүрэнгэ оруулалтын хэлсээн баталагдаа. 2020 оной эхиндэ үйлэдбэри эхилхэ түсэбтэй. Тус түсэл бэелүүлгэ уласта техническэ кислородой хэрэгсээ хангаха ба 150 хүрэтэр ажалай шэнэ һуури бии болгохо болоно.


Буряад Уласай Толгойлогшо Алексей Цыденов ба «Байкалпромгаз» ООО-гой юрэнхы захирал Юрий Вершинин тус хэлэсээндэ гар табяа. Энэ ёһололдо Буряад Уласай Засагай газарай түрүүлэгшын эдэй засагай хүгжэлтын талаар орлогшо Алексей Мишенин, үйлэдбэриин ба худалдаанай сайд Сергей Житиков, “Мэдээсэлэй-арга зүйн түб” ООО-гой– промышленно парк захирха компаниин юрэнхы захирал Галина Попова гэгшэд хабаадаа.

- Техническэ газуудые – кислород, тэрэ тоодо шэнгэрүүлһэн, газ түхэлэй, аргон ба азот бидэ гаргадагбди. Алас Дурнын дэбисхэртэ тиимэ үйлэдбэри үгы юм. Үйлэдбэриин үргэн дэлисые ойлгохо гэбэл – манай компани гүрэн дотороо томохон үйлэдбэри, гүрэн соогоо гурбанай тоодо ородог. Промышленна газаар уласай заха, Буряад Уласта ба Үбэр Байгалай хизаарта эмнэлгын кислородой асуудалые гүйсэд хангажа шадаха байнабди. Энэ болбол манай хэмжээнэй 5-20% болохо, тиимэһээ гол анхарал Алас Дурнын захада хандуулагдаха, - гэжэ «Байкалпромгаз» ООО-гой юрэнхы захирал Юрий Вершинин хэлээ.

Буряад Уласай Толгойлогшо Алексей Цыденов үйлэдбэриин экологидо хорогүй ашаг талыень тэмдэглээ.

- Байгалай нютаг можодо байрлуулха үйлэдбэриин стандартын эрилтэнүүдтэ тус түсэл зохино. Предприяти болбол баллонуудые газаар һэнэглэхэ, һэлгэхэ ба хүргэхэ пунктнүүдые байгуулха түсэбтэй. Энэ баһа манай экологидо туһатай, - гэжэ Толгойлогшо тэмдэглээ.

ООО «Байкалпромгаз» эхин шатын эрьесын мүнгэтэй ба техническэ газ гаргаха тоног түхеэрэмжэтэй. Зээли абаһан мүнгөөр тоног түхеэрэмжэ асаржа хабсаргаха, нэмэлтэ тоног түхеэрэмжэ ба мэргэжэлэй тээбэри лизингын хэлсээгээр эхин шатын түлбэри оруулха һанаатай.

Барилга-хабсаралгын ажалнуудай эхин байгша оной 4 дүгээр кварталда хараалагдана, 2020 оной 1 дүгээр кварталда үйлэдбэри хүдэлжэ эхилхээр түсэблэгдэнэ. Түсэл бэелүүлгэ 150 шэнэ ажалай һуури үгэхэ болоно.
Үйлэдбэри уласай Промпаркын дэбисхэртэ нээгдэхэ. «Байкалпромгаз» компанида 185 дүрб. м. аминдаа тусхай байра, 0,3 га газарай участок (саашадаа 1,4 га хүрэтэр талмайгаа үргэдхэхөөр түсэблэнэ) субарендэдэ дамжуулагдаа.

“Минии бизнес” олзын хэрэг эрхилэгын түб бизнес-план ба барилыгн талмайда түсэлые холбохо ажалнуудые хэхэдэ ехэ туһа хүргөө. Тиихэдэ мэргэжэлтэд “Минии бизнес” экспортын түбэй мэргэжэлтэд экспортдэ промышленно газуудые худалдаха талаар Монголой ба Хитадай захануудые маркетингын талаһаа шудална.


17 сентября состоялось подписание инвестиционного соглашения между Правительством Республики Бурятия и ООО «Байкалпромгаз» об организации производства технических газов на территории промышленного парка.



↓

Новости по теме

 

Новости раздела «Политика и власть»

 
В связи с ужесточением требований к сбору и хранению персональных данных мы были вынуждены отключить возможность оставлять комментарии к материалам на сайте. Обсудить новости можно в наших соцсетях:
https://vk.com/bmk.news

© 2004-2026 информационное агентство «Байкал Медиа Консалтинг»

Св-во о регистрации СМИ Эл № ФС 77-22419 от 28.11.2005 г. выдано Федеральной службой по надзору за соблюдением законодательства в сфере массовых коммуникаций и охране культурного наследия


Адрес редакции: 670000, Республика Бурятия, 

г. Улан-Удэ, ул. Смолина, 54б, помещение 3А

Телефон редакции: ‎‎8 (924 4) 58 90 90  

E-mail редакции: info@baikal-media.ru

Учредитель - ООО «Байкал Медиа Консалтинг». Главный редактор:

Озеров Игорь Викторович


Курение вредит Вашему здоровью!

Политика обработки персональных данных

 Наверх 

При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна. Перепечатка либо иное использование текстовых материалов с настоящего сайта в печатных СМИ возможно только с письменного согласия автора, правообладателя. Фотографии, видеоматериалы, иные иллюстрации могут быть использованы только с письменного согласия автора (правообладателя) и с обязательным указанием имени автора и источника заимствования

В случае использования  материала в печатном издании, необходимо указывать адрес сайта: www.baikal-media.ru

Редакция оставляет за собой право полностью или частично удалять комментарии пользователей.




^