"Баргузин ФМ"
"Русское радио"
 
 
 


Новое

1 ноября 2019, 16:13

фото: пресс-служба правительства РБ

Новости на двух языках: В Улан-Удэ открылась первая в республике библиотека нового формата

Улаан-Үдэдэ шэнэ түхэлэй түрүүшын номой сан нээгдээ

Четвергдэ, октябриин 31-дэ Буряад Уласай ниислэлдэ 10 мянга гаран хүнэй байдаг Восточный тосхондо модельнэ номой сан нээгдээ. Тэрэ ажаһуугшадай 3,5 мянганиинь - томошуул болон хүүгэд номой санда ерэдэг.

- Улаан-Үдэдэ мүнөөдэр шэнэ түхэлэй түрүүшын номой сан нээгдэнэ. Бидэ мүнөөнэй сагай номой сан хаража байнабди, эндэ мэдэсэ ба мэдээсэл абахаһаа гадна сэдьхэлээрээ амархада болоно. Номой санда һаруул уужам, хүүгэдэй хүгжэхэ ехэ талмай байна. Модельнэ номой сан болбол манай эрмэлзэхэ ёһотой жэшээ, ба ганса нюур талань бэшэ, харин досоохи удха шанараараа шэнэ юм. Энэ номой сан бүхы тосхоной дура татаха түб болохо, бүхы ажаһуугшадта, имагта хүүгэдтэй гэр бүлэнүүдтэ ехэ дуратай газар болохо гэжэ би 100% этигэжэ байнаб, - гэжэ Буряад Уласай соёлой сайд Соелма Дагаева хэлэнэ.

Номой санда заһабари хэгдээ, компьютерэй ба интерактивна мүнөөнэй түхеэрэмжэнүүд абтаа, эрэмдэг хүнүүдтэ тааруу оршом байгуулагдаа. 177-һоо 377 хүрэтэр дүрбэлжэн метр талмай үргэн, һууха һууриин тоо 50-һаа 140 хүрэтэр ехэ болгоогдоо.

Номой сангай шэнэ дизайн бүхы ерэгшэдэй эрилтэдэ таарама. Энэ байшан ном уншаха ба бэдэрхэһээ гадна томохон бэшэ үрөөнүүдтэ хубаагдаа. Уншагша томо бэшэ залнуудаар ябаһаар зохёохы ажалай хэшээлнүүдһээ сахим мэдээгэй базануудта ороно, уншалгаһаа нааданда, хубиин ажалһаа мастер-классуудта хабаадана. Зооно бүхэн өөрын үнгэтэй ба өөрсэ гэрэлтүүлгэтэй. Һаруул гэрэй бараан, таһалганууд ба зорюута хэгдэһэн интерьерэй зүйлнүүд дизайниие гоё болгоно.

Номой сан томошуулда ба хүүгэдтэ зорюулһан уран зохёолой литератураар, гэр бүлын психологиин ба хүүгэдые хүмүүжүүлхэ номуудаар, анагааха ухаанай ба элүүр мэндын номуудаар баян болоо. Багашуулда 4D интерактивна энциклопединүүд абтаа. Хурдан интернет болбол бүхэроссиин номой сангай сахим нөөсэнүүдые, тэрэ тоодо Үндэһэнэй сахим номой сан ба Үндэһэнэй хүүгэдэй номой сан ашаглаха аргатай болгоо.

“Соёл” гэһэн үндэһэн түсэлэй хүреэндэ һомологдоһон 5 сая түхэриг энэ ажалнуудта гаргашалагдаа. 2,7 сая гаран түхэриг нютагай засаг, депутадууд ба номой сан өөрөө гаргаа.

Тиихэдэ нацпроектын хүреэндэ энэ жэл модельнэ 4 номой сангууд – Шэнэ Бэрээн, Хэжэнгэ ба Хяагтын Адаг тосхонуудта байгуулагдаха. Табан объекнүүдэй бүхы һомололго 35 сая түхэригтэ хүрөө.

Ородой Холбоото Уласай Юрэнхылэгшэ Владимир Путинай «май һарын» зарлиг дүүргэлтэ болгон 2024 он болотор хүсэндөө байха 12 үндэһэн түсэлнүүд абтаа һэн гэжэ һануулая.

31 октября в столице Бурятии открылась модельная библиотека в микрорайоне Восточный, где проживает более 10 тысяч человек. Около 3,5 тыс из них, и взрослых, и детей, пользуются услугами библиотеки.



↓

Новости по теме

 

Новости раздела «Политика и власть»

 
В связи с ужесточением требований к сбору и хранению персональных данных мы были вынуждены отключить возможность оставлять комментарии к материалам на сайте. Обсудить новости можно в наших соцсетях:
https://vk.com/bmk.news

© 2004-2026 информационное агентство «Байкал Медиа Консалтинг»

Св-во о регистрации СМИ Эл № ФС 77-22419 от 28.11.2005 г. выдано Федеральной службой по надзору за соблюдением законодательства в сфере массовых коммуникаций и охране культурного наследия


Адрес редакции: 670000, Республика Бурятия, 

г. Улан-Удэ, ул. Смолина, 54б, помещение 3А

Телефон редакции: ‎‎8 (924 4) 58 90 90  

E-mail редакции: info@baikal-media.ru

Учредитель - ООО «Байкал Медиа Консалтинг». Главный редактор:

Озеров Игорь Викторович


Курение вредит Вашему здоровью!

Политика обработки персональных данных

 Наверх 

При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна. Перепечатка либо иное использование текстовых материалов с настоящего сайта в печатных СМИ возможно только с письменного согласия автора, правообладателя. Фотографии, видеоматериалы, иные иллюстрации могут быть использованы только с письменного согласия автора (правообладателя) и с обязательным указанием имени автора и источника заимствования

В случае использования  материала в печатном издании, необходимо указывать адрес сайта: www.baikal-media.ru

Редакция оставляет за собой право полностью или частично удалять комментарии пользователей.




^